prezydent-Duda-Wodzislaw-R90-36
Poloki, zbjyrejcie sie.

Jezech ślonzokiem, łosiemdziesiont lot już sam żyja.
Nigdy bych nie myśloł, że w Wodzisławiu bydzie tako chryja,
że pora chamskich, nie doucznych historycznie, z RAŚ-iu i KOD-u,
może narobić tela wrzasku, powiym prosto – gańby i smrodu.

Bo jak tu nazwać po ludzku ich gupie, fest głośne wrzaski,
gdy Prezydent Polski godo o historii tej ziemi, zbjyro oklaski,
oddowo hołd i chwoli tych, co tu sie o Polsko z niymcami bjyli,
co tu ciyrpieli, tu ginyli, ale dycki ślońskimi polokami byli.

Toć wjencyj gańby dlo powstańców ślońskich chyba być ni może
kej Prezydent Polski skłodo kwiotki, pod pomnikiem klenko w pokorze
by uczcić ich poświencenie aż do śmierci,ich walke i łogromne trudy,
a tu zamiast ciszy, słychać ino szczekanie choby psow na leńcuchu u budy.

Nie przestajom szczekać ani wtedy, kiedy hymn Polski grajom.
Czy to som poloki? Czy z miejskigo magistratu zezwolenia dostajom
jakeś antypolskie, jak przed wojnom zorganizowane niemieckie grupy
kiere bjyli i niszczyli Poloków? Ślonzoki, Poloki, zbjyrejcie sie do kupy.

Wodzisław Śl. 11.10.2017 r. Szkrobok